Hey HR! Өнгөрсөн долоо хоногт дотоодод болон олон улсад өрнөсөн хөдөлмөрийн зах зээлийн талаарх онцлох үйл явдал, мэдээ мэдээллийг хүргэж байна.  

ДОТООДOД…

Номин Холдинг хүний нөөцийн олон улсын ISO30400 стандартыг үйл ажиллагаандаа нэвтрүүллээ

Номин Холдинг ХХК олон улсад хүлээн зөвшөөрөгдсөн хүний нөөцийн ISO 30400 бүлгийн таван стандартыг үйл ажиллагаандаа амжилттай нэвтрүүлж, Монголд анх удаа Швейцарын SGS байгууллага стандартыг баталгаажуулжээ. Үүнд:

• ISO30405 Бүрдүүлэлтийн аргачлал

• ISO30406 Ажиллах хүчний тогтвортой ажил эрхлэлт

• ISO30407 Бүрдүүлэлтийн нэгжийн өртөг

• ISO30408 Хүний нөөцийн засаглал

• ISO30409 Хүний нөөцийн төлөвлөлт гэсэн стандартууд багтсан байна.

Түүнчлэн энэ онд Номин Холдинг нь хүний нөөцийн зөвлөх үйлчилгээний ORP групптэй хамтран олон улсын хүний нөөцийн менежментийн мастер хөгжлийн хөтөлбөрийг хэрэгжүүлэхээр ажиллаж эхэлжээ.

Ажилтан төвтэй хүний нөөцийн бодлого хэрэгжүүлдэг уг байгууллагын хүний нөөцийн менежерүүд нь борлуулалт үйлчилгээ, санхүү, импорт, барилга үл хөдлөх хөрөнгө болон мэдээлэл технологи, бизнесийн чиглэлд хүний нөөцийн үйл ажиллагааг хэрэгжүүлж, өөр салбаруудаас туршлага хуримтлуулан хөрвөн ажиллах боломжтой байдаг аж.

ОЛОН УЛСАД…

Билл Гейтс “Хиймэл оюун ухаан хүн төрөлхтнийг ‘ИХЭНХ’ зүйл дээр орлох тул ердөө 10 жилийн дараа 2 ажлын өдөртэй долоо хоног ирнэ” гэлээ

Одоогийн инновацын хурдыг харгалзан үзвэл, Microsoft-ийн хамтран үүсгэн байгуулагч Билл Гейтс хүний оролцоо тун удахгүй “ихэнх зүйл дээр” шаардлагагүй болж, ажлын орчныг шинээр төсөөлөх цаг ирнэ гэж үзэж байна. 

“Ажлын байр ирээдүйд ямар байх вэ? Бид ердөө долоо хоногт 2 эсвэл 3 өдөр ажиллах уу?” хэмээн тэрээр “The Tonight Show” нэвтрүүлэгт Жимми Фаллонтой ярилцахдаа хэлжээ. 

Энэ нь Билл Гейтс ажлын 7 хоногийг багасгах тухай анх удаа хэлж байгаа хэрэг биш юм. 2023 онд ChatGPT дөнгөж гарч ирж байх үед, тэрбээр нийгэм цаашид 3 өдрийн ажлын хуваарь руу шилжиж, хүн төрөлхтөн илүү их чөлөөт цагаа хэрхэн ашиглахыг сурах шаардлагатай болно гэж хэлж байв. 

Хиймэл оюун ухаан ажлын байрыг өөрчлөхийн хэрээр, Гейтс зарим мэргэжлүүд бусдаасаа илүү их хувьсалд орно гэдгийг хүлээн зөвшөөрчээ. Фаллонтой хийсэн ярилцлагадаа тэрээр эмч, багш зэрэг мэргэжлийг онцлон дурдсан бөгөөд эдгээр нь орлогдох ч нийгмийн хувьд эерэг өөрчлөлт авчирна гэж үзсэн байна. 

“Хиймэл оюун ухааны тусламжтайгаар ирэх 10 жилийн хугацаанд мэдлэг, оюуны зөвлөгөө үнэ төлбөргүй, өргөн хэрэглээтэй болно — чанартай эмнэлгийн зөвлөгөө, давтлага гэх мэт” гэж Гейтс хэлжээ. 

“Зарим зүйлсийг бид өөрсдөө хийхээр үлдээх л байх. Гэхдээ аливааг бүтээх, зөөх, хоол хүнс ургуулах зэрэг нь цаг хугацааны явцад үндсэндээ хиймэл оюун ухаанаар шийдэгдчихнэ” гэж тэрээр онцлов. 

Ажлын байрны гэмтэл бэртлээс сэргийлэх зорилгоор Амазон робот армиа бүтээж байна 

Бостоноос нэг цаг орчмын зайд, Амазон агуулахын бизнесийн ирээдүйг бүтээж эхэлжээ. 32,500 м.кв талбай бүхий байгууламжид тус компани роботын төвөө байршуулсан байна. Уг газарт Амазон компанийн агуулахуудад ажиллах, улмаар олон хүний ажлыг орлох дэвшилтэт машинуудыг зохион бүтээж, туршиж, үйлдвэрлэдэг аж. 

Амазон нь роботын технологиороо алдартай биш ч, тус компани сүүлийн арван жилийн турш энэ салбарт чимээгүйхэн хэдэн тэрбум долларын хөрөнгө оруулалт хийжээ. Энэ нь 2012 онд агуулахын автоматжуулалтын гарааны бизнес болох Kiva Systems компанийг 775 сая ам.доллароор худалдан авснаар эхэлсэн аж. Өнөөдөр роботын технологи нь Амазоны үр ашиг болон аюулгүй байдлын гол зорилтуудын нэг болж, илүү ухаалаг, хөдөлгөөнт, багц барааг таньж ялгах чадвартай машин бүтээхэд чиглэгдэж байна. 

HR MOMENT

Кэйс судалгаа: PwC сэтгэлзүйн эрүүл мэндийг ажлын гүйцэтгэлийн гол цөм болгосон нь

📌 Нөхцөл байдал: 

158 оронд салбартай PwC нь баталгаажуулалт, татвар, хууль эрх зүй болон зөвлөх үйлчилгээ үзүүлдэг байгууллага юм. Ковидын дараах үед PwC ажилтнуудын дунд ажлаас халшрах хам шинж, стресс нэмэгдэж, сэтгэл ханамж буурч буйг анзаарчээ. Өндөр цалин, уян хатан ажлын нөхцөл байсаар атал олон ажилтан туйлдсан, хамт олноосоо хөндийрсөн байв. Ялангуяа үйлчлүүлэгчидтэй шууд харьцдаг, шаардлага өндөртэй албан тушаалтнуудад энэ нь илүү ажиглагджээ. 

Үйлчилгээний байгууллагуудын нэгэн адил, PwC-ийн соёл нь уртасгасан цагаар ажиллах, оройтож үлдэх, үргэлж бэлэн байх хандлагыг урамшуулдаг байв. Энэ нь дараах үр дагаварт хүргэсэн: 

⬆️ Ажлаас чөлөө авах нь нэмэгдсэн 

⬇️ Эрч хүч, урам зориг буурсан 

❗ Сэтгэлзүйн эрүүл мэндийн тухай яриа ховор байсан 

💡 Шийдэл: Be Well, Work Well

PwC нь “Be Well, Work Well” нэртэй компанийн түвшний санаачилгыг хэрэгжүүлсэн. Гол санаа нь: 

“Сайн сайхан байдал = тогтвортой, чанартай гүйцэтгэл” 

Энэхүү санаачилга нь зөвхөн иог, бясалгалын аппликэйшн бус, системийн түвшний соёлын өөрчлөлт байлаа. Гол элементүүд: 

• Хамгаалагдсан цонхтой цагууд: Тодорхой цагуудад уулзалт хийхгүй 

• Дижитал ядаргааг бууруулах өдөр: Камергүй, дэлгэцээс хөндий байх боломж 

• Удирдлагын сургалт: Менежерүүдийг сэтгэл зүйн эрсдэлийг таних, илэн далангүй ярилцах чадварт сургах 

• Микро зуршлууд: Ажилтнууд өдөр тутамдаа амралт, ус уух, алхах, тайвшрах зуршил төлөвшүүлэх 

• Илэн далангүй яриа: Удирдлагууд өөрийн сэтгэлзүйн сорилтын тухай хуваалцаж, нээлттэй орчин бүрдүүлсэн 

📊 Үр дүн: 

💬 Ажилтнуудын 70% нь эхний жилд хөтөлбөрийн нөөц боломжийг ашигласан 

💡 Сэтгэлзүйн эрүүл мэндийн яриа багуудын дунд хэвийн болсон 

📉 Зарим нэгжид стресс, өвчтэй чөлөө буурсан 

💪 Сэтгэл ханамж, урам зоригийн үнэлгээ өссөн 

🔍 HR сургамж: 

Ажилтнуудын “сайн сайхан байдал” бол бонус биш — ажлын хэв маягийн салшгүй нэг хэсэг байх ёстой. PwC ажлын үр дүнг дээшлүүлэхийн тулд амралт, сэтгэлзүйн тэнцвэрийг хүлээн зөвшөөрсөн соёл бий болгосон нь урт хугацааны тогтвортой амжилтад хүргэжээ. 

НR HAAAAAACK

👨‍💻 Сонгон шалгаруулалтын 11 зардал ба тэдгээрийг тооцоолох нь

Ажилд авах үйл явц нь анхаарал, хяналт шаарддаг бизнесийн маш чухал функц. Хэрэв зохих хяналтгүй орхивол ажилд авахтай холбоотой зардал хурдан өсөж болзошгүй тул энэхүү гарын авлагыг ашиглан зардлаа хянаж, хөрөнгө оруулалтын өгөөжийг хамгийн өндөр түвшинд байлгаарай.

Сонгон шалгаруулалтын зардлыг тооцоолоход ашиглагддаг гол хүчин зүйлс:

1. Зар сурталчилгаа болон ажлын зар нийтлэх зардал

   🔹 Ажлын зарын сайтууд ба платформууд: LinkedIn, Indeed, Worki зэрэгт ажлын байр нийтлэхэд төлсөн хураамж, төлбөрүүд.

   🔹 Сошиал медиа сурталчилгаа: Facebook, Twitter, Instagram зэрэг платформ дээр ажлын зар сурталчлахад гарсан зардал.

   🔹 Хэвлэл мэдээлэл: Сонин, сэтгүүл болон бусад хэвлэмэл хэвлэлд зар нийтлүүлэх зардал.

   🔹 Компанийн карьер хуудасны засвар үйлчилгээ: Компанийн албан ёсны ажилд авах хуудсыг шинэчлэх, арчлах зэрэгтэй холбоотой зардал.

2. Ажил зуучлалын агентлагийн шимтгэл

   🔹 Агентлагийн шимтгэл: Хэрэв хүний нөөцийн агентлаг ашигласан бол, шинэ ажилтны анхны жилийн цалингийн 15–30%-тай тэнцэх хэмжээний шимтгэл төлөх нь түгээмэл.

   🔹 Удирдах түвшний ажилтны хайлтын хураамж: Гүйцэтгэх удирдлага ажилд авахад зориулсан тусгай агентлагууд урьдчилгаа төлбөр авдаг бөгөөд энэ нь илүү өндөр зардалтай байж болно.

   🔹 RPO (Recruitment Process Outsourcing) шийдлүүд: RPO компаниудтай хамтран ажилласнаар байгууллагууд чадвартай ажилтнуудыг бага зардлаар ажилд авах боломжтой болдог.

3. Ажилтны байгууллагаа санал болгох хөтөлбөрийн зардал

   🔹 Саналын урамшуулал: Ажил горилогчдыг амжилттай санал болгосон ажилтнуудад олгодог урамшуулал.

4. Дотоод хүний нөөцийн багийн зардал

   🔹 Цалин хөлс, нэмэгдэл: Ажилд авах үйл явцад оролцож буй хүний нөөц болон сонгон шалгаруулалтын ажилтнуудад олгодог цалин, урамшуулал.

   🔹 Сургалт, хөгжлийн зардал: Сонгон шалгаруулалтын багийн сургалт, мэргэжлийн хөгжлийн хөтөлбөрүүдийн зардал.

   🔹 Үйл ажиллагааны зардал: Хүний нөөцийн хэлтэстэй холбоотой оффисын түрээс, хэрэглээний зардал болон бусад ерөнхий зардлууд.

5. Ярилцлага болон үнэлгээний зардал

   🔹 Аялал ба байрны зардал: Ярилцлага авахаар нэр дэвшигчдийг урихтай холбоотой нислэг, зочид буудал, хоол болон тээврийн зардал.

   🔹 Ярилцлагад зарцуулсан цагийн зардал: Менежер, хүний нөөц болон багийн гишүүд ярилцлага авахад зарцуулсан цагийг тэдний цалинтай уялдуулан тооцдог.

   🔹 Үнэлгээний хэрэгслүүд: Ажилд орохоос өмнөх шалгалт, сэтгэл зүйн сорил, ур чадварын тест зэрэгт төлсөн төлбөрүүд.

Үргэлжлэлийг дараагийн дугаараас хүлээн аваарай. 📩 

SHARING IS CARING! 

Хэрвээ тан руу энэ и-мэйл “forward” хийгдэж ирсэн бол та ЭНД дарж subscribe хийн долоо хоног бүрийн пүрэв гаригт Hey HR! Цахим шуудангаа хүлээн аваарай. 

Танд санал хүсэлт байгаа юу? Бид таны санал хүсэлтэд үндэслэн сэдэв, булан, агуулгаа улам бүр сайжруулах бөгөөд та заавал саналаа бидэнд ирүүлээрэй.

❝💌 Саналаа илгээхдээ шууд энэ и-мэйл рүү “reply” хийхэд л болох юм шүү. 

⏳ Уншаагүй бүх дугаараа нөхөж унших бол ЭНД дараад, найздаа манай Hey HR! цахим товхимлыг санал болгох бол ЭНЭ холбоосыг хуваалцаарай.