Өнгөрсөн долоо хоногт дотоодод болон олон улсад өрнөсөн хөдөлмөрийн зах зээлийн талаарх онцлох үйл явдал, мэдээ мэдээллийг хүргэж байна. 

ДОТООДОД…

Нийслэл 2026 оныг “Бизнес эрхлэгчдийг дэмжих жил”-ээр зарлалаа

Нийслэлийн Засаг дарга бөгөөд Улаанбаатар хотын Захирагч Х.Нямбаатар, “Нийслэлээс 2025 оныг бүтээн байгуулалтын жил болгон зарлаж, олон ажил гараанаас гарлаа. “Сэлбэ 20 минутын хот” төслийн хүрээнд 8575 айлын орон сууцны бүтээн байгуулалтыг эхлүүлсэн. Өнөөдрийн байдлаар 113 блокоос 82-ынх нь суурийн ажлыг хийж байна.

Дулааны V цахилгаан станц, Хог шатааж, эрчим хүч үйлдвэрлэх үйлдвэр барих түншлэгчтэй гэрээ байгуулж, бичиг цаасны ажил цэгцэрлээ. 2026 оныг Улаанбаатар хот “Бизнес эрхлэгчдийг дэмжих жил” болгон зарлаж, тэднийг бүхий л талаар дэмжинэ. Үндэсний үйлдвэрлэгч, жижиг, дунд үйлдвэр, бүтээн байгуулагчидтайгаа хамтарч, хамтдаа хөгжинө.

Үүний тулд хамгийн түрүүнд төрийн байгууллагуудын хандлагыг өөрчилж, шат дамжлагыг цөөлнө” хэмээв.

ОЛОН УЛСАД…

БНСУ-д гадаад төгсөгчдийн ажил эрхлэлтийн түвшин анх удаа 30 хувийг давлаа

БНСУ-д гадаадын төгсөгчдийн ажил эрхлэлтийн түвшин анх удаа 30 хувийг давжээ. Энэ нь дотоодын төгсөгчдийн ажил эрхлэлт буурч буйтай харьцуулахад эсрэг хандлага байгааг харуулж байна.

Боловсролын яам болон Солонгосын Боловсролын Хөгжлийн Хүрээлэнгээс хамтран гаргасан судалгаанд дурдсанаар, 2023 оны наймдугаар сараас 2024 оны хоёрдугаар сарын хооронд нийт 36,271 гадаад оюутан БНСУ-д бакалавр болон магистрын зэрэг хамгаалжээ. Тэдний 42.9 хувь буюу 15,576 нь төгссөний дараа Солонгос дахь оршин суух хугацаагаа дуусгасан бол үлдсэн 14,966 гадаад төгсөгч ажил эрхлэх болзол хангасан байна. Тэднээс 4,993 хүн буюу 33.4 хувь нь БНСУ-д ажилд орсон нь өмнөх оны 3,607 хүнтэй харьцуулахад 11.7 хувийн өсөлттэй үзүүлэлт болжээ.

Харин мөн хугацаанд 542,988 ажил хайгчийн дундаас 377,120 солонгос төгсөгч ажилд орсон нь 69.5 хувийн ажил эрхлэлтийн түвшинтэй байжээ. Энэ нь өмнөх оноос 0.8 хувиар буурсан үзүүлэлт юм.

Ажил эрхлэлтийн түвшин боловсролын коллежоос бусад бүх сургалтын байгууллагын төрөлд буурсан бөгөөд боловсролын коллежийн хувьд 1 хувийн өсөлт бүртгэгдсэн байна. Боловсролын яам энэхүү нийт бууралтыг эдийн засгийн ерөнхий удаашралтай холбон тайлбарлажээ.

NYU алсын зайнаас ажиллах чадварыг нэмэгдүүлэх шинэ хөтөлбөр эхлүүллээ

Нью-Йоркийн Их Сургуулийн Мэргэжлийн Судалгааны Сургууль болон Tulsa Remote хамтран алсын зайнаас болон холимог горимоор ажиллах орчинд ажилтан болон удирдлагуудыг амжилттай ажиллахад нь туслах зорилготой “Алсын ажлын амжилтын гэрчилгээ”-ний шинэ хөтөлбөрийг эхлүүлж байна.

2026 оны хоёрдугаар сард эхлэх энэхүү анхны элсэлт нь шууд онлайнаар явагдах сургалтыг NYU Tulsa хотхонд болох танхимын туршлагатай хослуулах аж. 

Мэргэжилтнүүдийн үзэж байгаагаар, тодорхой чиглэл, хугацаат үүрэг даалгавар өгөх, шууд харьяалагдах ажилтнуудтай тогтмол уулзалт хийх, нийгмийн харилцааг дэмжих боломжууд санал болгох нь ажилтнуудын оролцоо болон сайн сайхан байдлыг сайжруулахад тустай ажээ.

HR MOMENT

Кейс судалгаа: Spotify “Fail Wall”-аар сэтгэлзүйн аюулгүй байдлыг бодитоор бий болгосон нь

📌 Нөхцөл байдал:
Spotify компанид хурдтай туршилт, инновац нь бизнесийн гол давуу тал болдог боловч багууд алдаа гаргахаас эмээх хандлага ажиглагдаж эхэлжээ. Ялангуяа шинэ санаа туршихаас болгоомжлох, алдааг нууцлах, дотроо хадгалах, "буруу" шийдвэрээс айх сэтгэлзүй нь багуудын бүтээлч байдал, суралцах хурдыг удаашруулах эрсдэлтэй болсон байна. Spotify-ийн хувьд инновацыг хадгалахын тулд алдааг зөвөөр хүлээн авдаг соёл хэрэгтэй болсон.

💡 Шийдэл: “Fail Wall” буюу алдаанаас суралцах ил тод платформ
Spotify багууддаа алдаа гаргаснаа нээлттэй хуваалцах зорилготой “Fail Wall” хэмээх туршилтыг эхлүүлсэн. Энэ нь:

• Багууд өөрсдийн амжилтгүй туршилт, алдаа, буруу таамаглалуудыг нийтэд хуваалцдаг орон зай;

• Алдаа бүрийн ард ямар сургамж авсан, дараа нь юу өөрчилсөн талаар бичдэг;

• Менежерүүд, удирдлагууд өөрсдийн алдааг эхэлж хуваалцсанаар аюулгүй орчныг үлгэрлэн харуулсан;

• Алдааг шийтгэх бус, сургалтын эх сурвалж гэж хардаг мессежийг системтэй түгээсэн.

Бүтэлгүйтлийн самбар нь зөвхөн биет самбар биш, дотоод платформ, уулзалт хэлбэрээр өргөжсөн.

📈 Үр дүн:

• Багуудын дунд психологийн аюулгүй байдал мэдэгдэхүйц нэмэгдсэн;

• Туршилтын тоо өсөж, санаачилга гаргах идэвх нэмэгдсэн;

• Алдаанаас суралцах хурд сайжирч, ижил алдааг давтах тохиолдол багассан;

• Багууд хоорондын мэдлэг хуваалцах соёл бэхэжсэн;

• Spotify инновацад ээлтэй соёлоо хадгалж чадсан.

🔍 HR сургамж:

Алдааг ил тод болгохгүйгээр суралцах боломжгүй. Удирдлагууд өөрсдөө эмзэг байдлаа харуулах нь соёлын өөрчлөлтийн эхлэл болно. Алдааг шагнадаггүй ч, нуух шаардлагагүй орчныг бий болгох нь инновацын суурь болдог.

⚠️ Анхаарах зүйл: Бүтэлгүйтлийн самбар нь бурууг өөгшүүлэх бус, хариуцлагатай туршилт + бодит сургамж дээр суурилсан үед л үр дүнтэй хэрэгждэг.

HR HAAAAACK

🍾 Хамтдаа 2026 оны зорилгоо тодорхойлох нь 

Жилийн эхлэл бол зөвхөн ажилтнууд төдийгүй байгууллагын хувьд ч эргэцүүлэл, дахин төлөвлөлтийн үнэт цаг мөч байдаг. Энэхүү hack нь удирдлагууд болон ажилтнуудын хооронд утга учиртай яриа өрнүүлэх, зорилгоо тодорхойлох боломжийг хөнгөн, дарамтгүй байдлаар олгох юм.

Шууд хэрэглэх боломжтой загвар:

Шинэ оныг угтаж бид өөрсдийн хувийн болон багийн хөгжлийг зорилготой, утга учиртай байдлаар төлөвлөх сайхан боломж ирлээ. Тиймээс бид “Миний жил, миний зорилго” картыг танилцуулж байна. Энэ нь таныг 2026 онд юунд анхаарлаа хандуулах вэ гэдгээ тодорхойлоход туслах богино, хялбар дасгал юм.

💡 Яаж оролцох вэ:
Эндээс нэг хуудсыг татаж аваарай. Дараах зүйлсийг бичнэ үү:

• 2025 оны гурван мэргэжлийн зорилго

• Сурахыг хүсэж буй нэг шинэ ур чадвар

• Манай багийн соёлыг дэмжих нэг арга

🎁 Сюрприз: Картаа [HR-ийн нэр/харилцах хүний нэр] рүү [огноо]-ны дотор илгээвэл танд бяцхан бэлэг хүргэнэ. [Кофены купон, өдрийн хоол, эсвэл сургалтын хөнгөлөлт гээд таатай зүйл] хүлээж байгаа!

Энэхүү дасгалыг хэрэгжүүлснээр жилийн төгсгөлд багаараа энэхүү зорилгуудаа ярилцаж, оноо дүгнэх боломжтой.

SHARING IS CARING! 

Хэрвээ тан руу энэ и-мэйл “forward” хийгдэж ирсэн бол та ЭНД дарж subscribe хийн долоо хоног бүрийн пүрэв гаригт Hey HR! Цахим шуудангаа хүлээн аваарай. 

Танд санал хүсэлт байгаа юу? Бид таны санал хүсэлтэд үндэслэн сэдэв, булан, агуулгаа улам бүр сайжруулах бөгөөд та заавал саналаа бидэнд ирүүлээрэй.

❝💌 Саналаа илгээхдээ шууд энэ и-мэйл рүү “reply” хийхэд л болох юм шүү. 

⏳ Уншаагүй бүх дугаараа нөхөж унших бол ЭНД дараад, найздаа манай Hey HR! цахим товхимлыг санал болгох бол ЭНЭ холбоосыг хуваалцаарай.