Өнгөрсөн долоо хоногт дотоодод болон олон улсад өрнөсөн хөдөлмөрийн зах зээлийн талаарх онцлох үйл явдал, мэдээ мэдээллийг хүргэж байна. 

ДОТООДОД…

Монголын 20 гаруй салбарын 600 гаруй албан хаагч БНХАУ-д мэргэжил дээшлүүлэх, туршлага судлах сургалтад хамрагджээ

Монгол Улсад суугаа БНХАУ-ын Элчин сайдын яаманд өчигдөр (2025.12.09) "Хөл нийлүүлэн хамтдаа урагшлан Хөршийн нөхөрлөлөө гүнзгийрүүлье" нэртэй уулзалт зохион байгуулагдав. БНХАУ-аас Монгол Улсад суугаа Элчин сайд Шэнь Миньжуань хэлэхдээ, зөвхөн энэ онд Монголын 20 гаруй салбарын 600 гаруй албан хаагч БНХАУ-д мэргэжил дээшлүүлэх, туршлага судлах сургалтад хамрагдсан.

Энэ нь олон улсад дээгүүр орох үзүүлэлт гэдгийг онцоллоо. Мөн 10 төрлийн албан хаагч БНХАУ-ын засгийн газрын тэтгэлгээр Бээжингийн их сургууль, Цинхуа зэрэг нэр хүндтэй сургуульд магистр, докторын зэрэг хамгаалахаар суралцаж байна. Монголын бүс нутгийн хөгжлийг дэмжих зорилгоор орон нутгийн суралцагчдын квотыг эрс нэмэгдүүлж, зөвхөн энэ жил 116 хүн хамрагдсан нь өнгөрсөн оныхоос зургаа дахин өссөн үзүүлэлт хэмээн Элчин сайд онцлов.

ОЛОН УЛСАД…

Хиймэл оюун ухаанаас үүдэн цалингийн зөрүү тэлж байна

“Meta” компани 2026 оноос эхлэн ажилтнуудын гүйцэтгэлийг “AI-driven impact” буюу хиймэл оюун ашиглан гаргасан бодит үр дүнгээр үнэлэх шинэ систем нэвтрүүлэхээр болжээ. Ингэснээр ажилтнуудын AI ашиглах нь сонголт бус, үндсэн шаардлага болно. Тус компанийн хүний нөөцийн захирал Жанелл Гейл ажилтнууддаа илгээсэн танилцуулгад энэ талаар дурджээ.

Үүнтэй зэрэгцэн ажилтнуудын өдөр тутмын ажил, бүтээмжийг нэмэгдүүлэх, өөрсдөө AI шийдэл бүтээж илүү том өөрчлөлт авчрах чадвар нь үнэлгээний гол үзүүлэлт болох аж.

Шинэ бодлогоор “Meta” компани ажилтнуудыг AI ашиглан үр ашиг, хурд, чанарыг нэмэгдүүлсэн хэрэгсэл, шийдэл бүтээсэн эсэхээр нь үнэлнэ. Зөвхөн нэг удаагийн хэрэглээ бус, тогтмол, хэмжигдэхүйц нөлөө үзүүлэх нь гол шалгуур болно.

Энэ талаар “Энэ бол компанийн нэн тэргүүний зорилт. Бид AI-г ажилтнуудын өдөр тутмын ажлыг илүү үр дүнтэй болгоход ашиглахад төвлөрч байна” гэж “Meta”-гийн хэвлэлийн төлөөлөгч ярьжээ.

Сингапурын ажилтнууд оффист эргэн ажиллахын тулд үнэгүй өдрийн хоол, уян хатан байдал, тээврийн хөнгөлөлт хүсэж байна

Сингапурын ажилтнууд оффист эргэн ажиллах (RTO) бодлогыг эергээр хүлээн авч байгаа ч саяхны судалгаагаар уян хатан байдал, хангамжийн талаарх ажилтнуудын хүлээлт, ажил олгогчдын бодит байдал хоёрын хооронд зөрүү үүссэнийг харуулжээ.

Сингапурын 500 ажилтан хамрагдсан JLL-ийн “2025 оны Ажиллах Хүчний Сонголтын Барометр” судалгаагаар тэдний 69 хувь нь RTO бодлогын хүрээнд одоо оффист тогтмол ажиллаж байна гэж хариулжээ. Ажилтнуудын 63 хувь нь RTO бодлогыг эергээр хүлээн авсан бөгөөд 55 хувь нь оффист хамтран ажиллах нь илүү үр дүнтэй гэж үзэж буйг тогтоосон байна. Гэвч энэхүү эерэг хандлага нь ажлын тодорхой нөхцөлүүдтэй холбоотой гүн зөрчлүүдийг халхалж буйг судалгаа мөн харуулжээ.

Хамгийн гол зөрүү нь уян хатан цагийн хуваариар ажиллах боломжийн хязгаарлагдмал байдалд оршиж байна. Colliers-ийн 2026 оны “Ази, Номхон далайн бүс нутгийн ажлын орчны ойлголт” тайланд дурдсанаар, Сингапур нь “холимог ажлын” зах зээлийн гол цөм бөгөөд байгууллагуудын 87 хувь нь ажилтнуудаа гэр болон оффисын хооронд цагаа хуваарилж ажиллахыг зөвшөөрдөг. Гэвч судалгааны дүнгээс харахад байршлын уян хатан байдал нь цагийн уян хатан байдал руу бүрэн шилжээгүй байна. “Уян хатан байдлын тэргүүлэх чиглэл байршлаас цагийн менежмент рүү шилжиж байна” хэмээн JLL тайлбарлажээ.

HR MOMENT

Кейс судалгаа: Lyft хэрэглэгчидтэй шууд харилцах ажилтнууддаа уян хатан байдлыг шударгаар олгосон нь

📌 Нөхцөл байдал:
Lyft компанийн үйлчилгээний чанар ихээхэн хэмжээгээр хэрэглэгчидтэй шууд харилцах ажилтнуудаас хамаардаг байсан ч тэдний ажлын хуваарь тогтвортой бус, уян хатан бус байв. Үүнээс шалтгаалан:

• Ажилтнууд хуваарь дээрх хяналтаа алдаж стресст автах

• Хэт уян хатан эсвэл хэт хатуу хуваарь нь бизнесийн хэрэгцээтэй зөрчилдөх

• Шударга бус хуваарилалт, илүү ачаалалтай багууд бий болох

• Ажилтны сэтгэл ханамж буурах, урсгал өсөх үзэгдлүүд ажиглагджээ.

Lyft-ийн зорилго нь ажилтнуудад илүү сонголт өгөхийн сацуу бизнесийн тогтвортой ажиллагааг алдагдуулахгүй байх шийдэл олох байв.

💡 Шийдэл: “Guided Flexibility” ажилтны хүсэлт + AI-д суурилсан шударга хуваарилалт

Lyft ажилтны болон байгууллагын хэрэгцээг хослуулсан “Guided Flexibility” хэмээх хуваарь зохицуулах шинэ тогтолцоог нэвтрүүлэв. Энэ систем нь:

• Ажилтнууд өөрсдийн хүссэн цаг, өдрөө апп-аар дамжуулан сонгох боломжтой

• Систем нь AI ашиглан бизнесийн ачаалал, эрэлт, нэмэлт хүчин чадлыг тооцоолж шударга, тэнцвэртэй хуваарь санал болгодог

• Хэт их эсвэл хэт бага ачаалал авч буй хүн байхгүй

• Менежерүүд хүний оролцоог багасган, автомат зөвлөмжүүдийг ашиглан түргэн шийдвэр гаргадаг

• Хуваарь солилцох, нэмэлт цаг авах, чөлөө хүсэх процессыг бүрэн дижитал болгосон

Энэхүү загвар нь "ажилтны сонголт" болон "үйл ажиллагааны хэрэгцээ" гэсэн хоёр хүчин зүйлийг ухаалгаар тэнцвэржүүлжээ.

📈 Үр дүн:

• Ажилтны сэтгэл ханамж эрс нэмэгдсэн, ялангуяа уян хатан байдалд өндөр үнэлгээ өгсөн

• Хуваарь солилцох, давхцах, хоцрогдолтой холбоотой асуудал огцом буурсан

• Менежерүүдийн хуваарьтай холбоотой ажиллах хугацаа 30% хүртэл багассан

• Хэрэглэгчидтэй шууд харилцах ажилтнуудын урсгал буурч, тогтвортой байдал нэмэгдсэн

🔍 HR сургамж:
Уян хатан байдлыг хиймэл оюун ухаантай хослуулах нь ирээдүйн хэрэглэгчидтэй шууд харилцах ажиллах хүчний менежментийн загвар болж байна.

HR HAAAAACK

Ажил горилогчдын анкет шүүлтэд хиймэл оюун ухаан ашиглах нь /2-р хэсэг/

Өмнөх дугаарт бид анкет шүүлтэд ашиглагддаг хиймэл оюун ухааны төрлүүдийг танилцуулсан билээ. Энэхүү дугаарт хэрхэн AI-г анкет шүүлтэд ашиглаж эхлэх зааварчилгааг хүргэж байна.

AI нь хуваарийн дагуу, өндөр нарийвчлалтайгаар ажиллах боломж олгож, ажилд авах процессыг эрс өөрчилдөг. Шинжилгээ хийхэд илэрдэг нийтлэг хандлага нь дараах гурван үндсэн чиглэлд төвлөрдөг:

1. Тодорхой зорилго тодорхойлох

AI-г анкет шүүх процесст хэрхэн ашиглахыг тодорхой зааж өгөх хэрэгтэй. Энэ нь тухайн системийг зөв хөгжүүлж, таны ажилд авах стратегитай нийцүүлэн ажиллуулах үндэс суурь болдог. Зорилго тодорхой болсноор ажлын цар хүрээ хэтрэхээс сэргийлж, төслийг анхаарал төвтэй удирдах боломжтой болдог.

2. Өгөгдлийн чанар, менежмент

AI нь зөвхөн сайн өгөгдөл дээр л үр дүнтэй ажилладаг. Хэрэв танд эмх замбараагүй, чанаргүй өгөгдөл байвал AI буруу шийдвэр гаргах магадлалтай. Тиймээс өгөгдлөө цэвэрлэж, зөв зохион байгуулахад цаг гаргах нь өндөр үр дүн, шударга шийдвэрт хүрэх үндэс болно.

3. Сургалт ба хэрэглээнд нэвтрүүлэх

Багийн гишүүдийг AI-тэй хамтран ажиллах чадвартай болгох нь чухал. Сургалт нь AI-ийн талаарх айдас, эсэргүүцлийг багасгаж, итгэлцэл бий болгодог. Сайн бэлтгэгдсэн баг AI-г үр дүнтэй ашиглаж, одоо байгаа процесстоо төвөггүй уусган нэгтгэж чадна.

Удирдлагын багууд AI ашиглан анкет шүүх системд хөрөнгө оруулах шийдвэрээ бататгахын тулд бодит тоон үзүүлэлт шаарддаг. AI-г анкет шүүх процесст нэвтрүүлэх нь санхүүгийн хувьд маш ашигтай. Уламжлалт цаг их шаардсан үйл ажиллагааг автоматжуулснаар нэг ажилтныг ажилд авахад зарцуулах хугацаа, зардлыг бууруулж, илүү чанартай нэр дэвшигчийг сонгох боломжтой болдог. Үүний үр дүнд ажилтныг хурдан нэвтрүүлж, эргэлт буурч, шууд ашгийн түвшинд нөлөөлдөг.

Гэвч үнэн бодит үнэ цэнэ нь уламжлалт ROI тооцооллоос гадуур дараах гурван чухал чиглэлд илэрдэг:

1. Ажил горилогчийн туршлагыг сайжруулах

AI нь харилцааг хувийн шинжтэй болгох замаар ажил горилогчидтой анхнаас нь таатай сэтгэгдэл төрүүлдэг. Энэ нь нэр дэвшигч ажлын санал хүлээн авах магадлалыг нэмэгдүүлж, тогтвор суурьшилд шууд эергээр нөлөөлнө. Ялангуяа өрсөлдөөнтэй хөдөлмөрийн зах зээлд энэ нь маш чухал.

2. Илүү ухаалаг шийдвэр гаргалт

AI нь өгөгдлийг өндөр нарийвчлалтайгаар шинжилж, зөвхөн мэргэжлийн ур чадвартай төдийгүй байгууллагын соёлд нийцэх нэр дэвшигчийг тодорхойлох боломж олгодог. Энэ нь багийн уур амьсгалыг сайжруулж, ажилтны урт хугацааны сэтгэл ханамжийг нэмэгдүүлэн, эргэлтийг бууруулдаг.

3. Өргөтгөх чадвар ба уян хатан байдал

AI-ийн тусламжтайгаар танай багийн гишүүд нэмэлт нөөц ашиглалгүйгээр өргөн цар хүрээтэй нэр дэвшигчдийг шүүн шалгаруулж чадна. Энэ нь байгууллагад хурдан өөрчлөлтөд дасан зохицох, уян хатан, түргэн шуурхай ажиллах боломж олгодог.

AI-д суурилсан анкет шүүлтийн ROI-г зардал бууруулах хэрэгсэл гэхээс илүүтэйгээр урт хугацааны өсөлт ба өрсөлдөх чадварын давуу тал гэж ойлгосноор түүний үнэ цэн тодорхой болдог. 

SHARING IS CARING! 

Хэрвээ тан руу энэ и-мэйл “forward” хийгдэж ирсэн бол та ЭНД дарж subscribe хийн долоо хоног бүрийн пүрэв гаригт Hey HR! Цахим шуудангаа хүлээн аваарай. 

Танд санал хүсэлт байгаа юу? Бид таны санал хүсэлтэд үндэслэн сэдэв, булан, агуулгаа улам бүр сайжруулах бөгөөд та заавал саналаа бидэнд ирүүлээрэй.

❝💌 Саналаа илгээхдээ шууд энэ и-мэйл рүү “reply” хийхэд л болох юм шүү. 

⏳ Уншаагүй бүх дугаараа нөхөж унших бол ЭНД дараад, найздаа манай Hey HR! цахим товхимлыг санал болгох бол ЭНЭ холбоосыг хуваалцаарай.