- Hey HR
- Posts
- HR-д зориулсан гарын авлага: 9 хайрцагт авьяас чадварын үнэлгээг хэрэгжүүлэх нь (1)
HR-д зориулсан гарын авлага: 9 хайрцагт авьяас чадварын үнэлгээг хэрэгжүүлэх нь (1)
Өнгөрсөн долоо хоногт дотоодод болон олон улсад өрнөсөн хөдөлмөрийн зах зээлийн талаарх онцлох үйл явдал, мэдээ мэдээллийг хүргэж байна.
ДОТООДОД…
Ирэх онд хөдөлмөр эрхлэх гадаад ажилтны тоог тогтоох тухай асуудлыг хэлэлцэнэ
Хуралдаанаар “Монгол Улсад 2026 онд хөдөлмөр эрхлэх гадаад ажилтны тоо, хувь хэмжээг тогтоох тухай” Засгийн газрын тогтоолын төсөл, Олон улсад авто замаар ачаа, зорчигч тээвэрлэх тухай Монгол Улсын Засгийн газар, Бүгд Найрамдах Хорват Улсын Засгийн газар хоорондын хэлэлцээр, “Монгол, Хятадын Замын-Үүд, Эрээний эдийн засгийн хамтын ажиллагааны бүсийг хамтран хөгжүүлэх ерөнхий төлөвлөгөөний тухай” Засгийн газрын тогтоолын төсөл, “Хөгжлийн бэрхшээлтэй хүнд тусламж, хөнгөлөлт олгох журам”-ыг шинэчлэн батлах тухай Засгийн газрын тогтоолын төсөл, “Нийгмийн даатгалын сангийн чөлөөт үлдэгдлийг санхүүгийн хэрэгсэлд хөрөнгө оруулах журам”-д нэмэлт, өөрчлөлт оруулах тухай” Засгийн газрын тогтоолын төсөл зэрэг асуудлыг хэлэлцэнэ.
ОЛОН УЛСАД…
Залуучуудын ажилгүйдэл ихтэй Мороккод эсэргүүцлийн жагсаал гурван өдөр үргэлжлэв
2025 оны 09-р сарын 29-ний үдэш Мороккогийн Рабат, Касабланка болон Агадир зэрэг томоохон хотуудад болсон залуусын эсэргүүцэл гурван өдөр үргэлжлэв. Хүч нэмэгдүүлсэн хамгаалалттайгаар хотуудын гол цэгүүдэд байр сууриа эзэлсэн цагдаа нар жагсаалыг тараахын тулд шууд арга хэмжээ авчээ.
Тус хөдөлгөөн "GenZ 212" нэртэй цахим бүлэглэлээс TikTok, Instagram, Discord зэрэг платформ ашиглан зохион байгуулагдсан аж. Жагсагчдын гол шаардлага нь эрүүл мэнд, боловсролын системийн чанар сайжруулах, ил тод, хариуцлагатай тогтолцоо байгуулахад чиглэж байлаа.
Үндэсний статистикийн газар залуучуудын ажилгүйдэл 35.8 хувьд хүрсэн тухай танилцуулгаа энэ долоо хоногт нийтэлсэн нь жагсагчдын зүгээс тавьж буй шаардлагын үндэс болсон юм. Залуусын дийлэнх нь боловсрол эзэмшсэн ч тогтвортой ажлын байр олддоггүй, төрийн үйлчилгээнд итгэх итгэл буурсан гэх шалтгаан давхар илэрхий болжээ.
Overtime компанийн гүйцэтгэх захирал ажил горилогчдыг ганцхан асуултаар шүүн тунгаадаг
Overtime компанийн гүйцэтгэх захирал, OMGPOP-г амжилтад хүргэж, Zynga-д 180 сая ам.доллароор худалдсан Дэн Портер ажил горилогчдыг ганцхан асуултаар шүүн тунгаадаг гэдгээ дэлгэжээ. Түүнийг хэлснээр ярилцлагын төгсгөлд тавьдаг “Танд надаас асуух зүйл бий юу?” гэсэн асуулт бол тухайн хүний оюуны сониуч байдал, мэргэжлийн оролцоог нэвт харуулдаг чухал хэмжүүр болдог аж. Тэрээр энэ асуултад ямар хариу ирэхээс шалтгаалан тухайн хүнийг ажилд авах эсэх шийдвэрээ гаргадаг байна.
Үнэхээр сонирхсон, сайн ажил горилогч бол ярилцлагад бэлтгэлтэй ирж, хүндэтгэл илэрхийлээд олон нарийн асуулттай байдаг хэмээн дүгнэжээ. Уэлчийн үзэл баримтлалын дагуу CEO-той зах зээлийн боломж, салбарын өрсөлдөөн, өөрийн шинэ санаа, хөгжлийн тухай бодол санаагаа ярилцах нь тухайн хүнийг хэтийн өсөлттэй, хамт олонд нэмэр болох сэтгэлгээтэйг илтгэдэг аж. Гэхдээ бүх зүйл биш, хэрхэн, хэзээ, хэнд гэдгийг зөв сонгох нь алс хэтийн ирээдүйд ажил олгогчийн шийдэлд нөлөөлөх хүчин зүйл болдог байна.
HEY HR! Workshop Vol.11
Burnout-оос хэрхэн гарах вэ?
Энэ удаагийн уулзалтаар бид бүгдэд танил, чимээгүй дайсан болох Burnout буюу ажлаас халшрах хам шинжээс хэрхэн гарах, түүнээс урьдчилан сэргийлэх арга замуудыг хуваалцлаа. 💡🔥
Мөн бидний онцгойлон бэлтгэсэн “HR2026” тайлангаа танилцуулж, Монголын хөдөлмөрийн зах зээлийн өнөөгийн нөхцөл байдал болон ирээдүйн чиг хандлагын тухай шинэ мэдээлэл, сонирхолтой статистикуудыг хүргэлээ.
👏 Амьдралд хэрэгжүүлэх жижиг алхмуудаас эхлээд том зургаар харах хандлагуудыг хүртэл хамтдаа хэлэлцсэн үр дүнтэй, дурсамж дүүрэн уулзалт боллоо.
👉 Та Burnout-с гарахын тулд хамгийн түрүүнд юу хийхээ мэдэж байна уу?
HR MOMENT
Кейс судалгаа: Adobe “Check-In” тогтолцоогоор гүйцэтгэлийн удирдлагыг шинэчилсэн нь
📌 Нөхцөл байдал:
Adobe компанид уламжлалт жилийн эцсийн гүйцэтгэлийн үнэлгээ ажилтнуудад бухимдал төрүүлдэг байв. Нэг удаагийн үнэлгээ нь ажилтнуудын бодит ахиц дэвшлийг тусгадаггүй, менежерүүдэд их цаг шаарддаг, мөн ажилтнуудын сэтгэл ханамжид сөргөөр нөлөөлдөг байлаа. Үүнээс болж:
Ажилтнуудын ажлын бүтээмж буурах,
Урам зориг болон үнэнч байдал сулрах,
Байгууллагын соёлд сөрөг уур амьсгал бий болох эрсдэл гарчээ.
💡 Шийдэл: “Check-In” буюу тасралтгүй гүйцэтгэлийн удирдлага
2012 оноос Adobe компанийн хэрэгжүүлсэн энэхүү шинэ тогтолцоо нь уламжлалт гүйцэтгэлийн үнэлгээг халж, илүү уян хатан, ажилтны хөгжлийг дэмжсэн хэлбэр рүү шилжсэн. Үүнд:
Жилийн нэг удаагийн үнэлгээг халж, улирал тутам эсвэл шаардлагатай үед тогтмол ярилцлага хийх,
Менежер ба ажилтны хооронд зорилго, ахиц дэвшлийн талаар нээлттэй ярилцах, хөгжлийн чиглэл тогтоох,
Гүйцэтгэлийг тооцох биш, ажилтны өсөлт, чадамжийг хөгжүүлэхэд төвлөрөх.
📈 Үр дүн:
Ажилтнуудын ажлаас гарах түвшин 30%-иар буурсан
Менежерүүдийн цаг хугацаа хэмнэгдэж, илүү үнэ цэнтэй ярилцлагад зарцуулагдах болсон.
Adobe компанийн соёл илүү нээлттэй, хөгжлийг дэмждэг болсон.
🔍 HR сургамж: Adobe-ийн туршлагаас харахад жилд нэг удаа хийгддэг уламжлалт үнэлгээг тасралтгүй харилцаа, хөгжлийн чиглэлтэй холбосноор ажилтны урам зориг, тогтвортой байдал, байгууллагын соёлыг бүхэлд нь сайжруулах боломжтой юм.
HR HAAAAACK
HR-д зориулсан гарын авлага: 9 хайрцагт авьяас чадварын үнэлгээг хэрэгжүүлэх нь /3-р хэсэг/
Өнгөрсөн дугаарт бид энэхүү үнэлгээний системийг хэрэгжүүлэх эхний хоёр алхам болох гүйцэтгэл болон хөгжих боломжийг хэрхэн үнэлэх талаар хүргэсэн билээ. Энэ дугаартаа уг системийг хэрэгжүүлэх сүүлчийн алхмуудыг хүргэж байна.
Алхам 3: Ажилтнуудыг 9 хайрцагт байршуулах
Нэгдсэн үнэлгээний систем ашиглах: Бүх ажилтнуудын гүйцэтгэл болон хөгжих боломжийг ижил түвшний үнэлгээний шатлалаар хэмжих нь чухал. Жишээлбэл, гүйцэтгэл ба хөгжих боломж хоёулыг нь 1-ээс 5 хүртэл шатлалтайгаар үнэлж болох бөгөөд 1 нь бага, 5 нь өндөр гэсэн утгатай байна.
Обьектив хандах: Ажилтнуудыг хайрцагт байршуулахдаа аль болох субьектив бус, компанийн үнэлгээний стандарттай нийцүүлсэн байдлаар ажиллах шаардлагатай.
Шийдвэрээ баримтжуулах: Ажилтныг тодорхой хайрцагт байрлуулсан шалтгааныг баримт нотолгоотой тайлбарлан бүртгэх нь чухал. Хэрэв тухайн ажилтан "Дундаж гүйцэтгэлтэй / Өндөр боломжтой" гэсэн хайрцагт багтсан бол гүйцэтгэл нь төдийлөн өндөр биш байсан ч хөгжих боломжийг илтгэх тодорхой төсөл, зан байдал, хандлагыг тэмдэглэж үлдээх шаардлагатай.
HR программ хангамж эсвэл загвар ашиглах: HR программууд эсвэл Excel загварууд нь ажилтнуудыг хүснэгтэд байршуулах процессыг хялбарчилж, илүү харагдацтай, шинжилгээ хийх боломжтой болгодог. Эдгээр хэрэгсэл нь байгууллагын нийт хандлага, давуу болон сул талуудыг илүү тодорхойлоход ч тус дэм болдог.
Алхам 4: Үр дүнг шинжлэх ба тайлбарлах
Ажилтнуудыг 9 хайрцагт байршуулсны дараа одоо үр дүнг нарийвчлан шинжилж, тайлбарлах үе шат эхэлнэ. Энэ үеэс эхлэн та хандлагуудыг илрүүлж, стратегийн хүрээнд авч хэрэгжүүлэх арга хэмжээнүүдийг тодорхойлно.
Авьяас чадварын хоосон орон зайг илрүүлэх: “Өндөр боломжтой / Өндөр гүйцэтгэлтэй” хайрцагт ажилтнууд цөөн байвал энэ нь ирээдүйн манлайлагчдыг хөгжүүлэхэд нэмэлт анхаарал шаардлагатайг илтгэнэ. Хэрэв ихэнх ажилтнууд “Бага гүйцэтгэлтэй / Бага боломжтой” ангилалд төвлөрсөн байвал энэ нь сонгон шалгаруулалт, сургалт эсвэл гүйцэтгэлийн удирдлагын процессыг сайжруулах хэрэгцээ байгааг харуулж байна.
Хөгжүүлэлтийн хэрэгцээг тодорхойлох: Энэхүү шинжилгээ нь яаралтай анхаарах шаардлагатай ажилтнуудыг тодруулна. Жишээлбэл, “Бага гүйцэтгэлтэй / Өндөр боломжтой” хайрцагт багтсан ажилтнуудад зориулсан тусгайлсан гүйцэтгэл сайжруулалтын төлөвлөгөө хэрэгтэй байж болох бол, “Дундаж гүйцэтгэлтэй / Бага боломжтой” ажилтнуудад карьерын зөвлөгөө өгөх эсвэл дахин үнэлгээ хийх нь тохиромжтой байж болно.
Нөөцийг оновчтой хуваарилах: 9 хайрцагт суурилан байгууллагын нөөцийг стратегийн дагуу хуваарилах боломжтой. Өндөр гүйцэтгэлтэй, өндөр хөгжлийн боломжтой ажилтнуудыг хөгжлийн хурдасгуур хөтөлбөрт хамруулах шаардлагатай. Харин гүйцэтгэл муутай ажилтнуудад илүү нарийвчилсан сургалт хэрэгтэй байж болох ба зарим тохиолдолд тухайн ажилтны байгууллагад тохирох эсэхийг дахин авч үзэх шаардлагатай.
Энэхүү үнэлгээний үнэлгээний системийг дээрх 4 алхмын дагуу та өөрийнхөө багт хэрэгжүүлээд үзээрэй.
SHARING IS CARING!
Хэрвээ тан руу энэ и-мэйл “forward” хийгдэж ирсэн бол та ЭНД дарж subscribe хийн долоо хоног бүрийн пүрэв гаригт Hey HR! Цахим шуудангаа хүлээн аваарай.
Танд санал хүсэлт байгаа юу? Бид таны санал хүсэлтэд үндэслэн сэдэв, булан, агуулгаа улам бүр сайжруулах бөгөөд та заавал саналаа бидэнд ирүүлээрэй.
❝💌 Саналаа илгээхдээ шууд энэ и-мэйл рүү “reply” хийхэд л болох юм шүү.